მაკარაძე ლევან ამირანის ძე

მაკარაძე ლევან ამირანის ძე (დ. 6. X. 1952, სოფ. ოლადაური, ახლანდ. შუახევის მუნიციპალიტეტი), ვეტერინარი ექიმი. ვეტ. მეცნ. დოქტორი (1999), პროფესორი (2001). 1975 დაამთავრა საქართვ. ზოოტექ.–სავეტერინარო სასწ.-კვლევითი ინ-ტის სავეტერინარო მედიცინის ფაკ-ტი. 1986–89 იყო ზოოვეტერინარული ინ-ტის პათოლ. ანატომიის განყ-ბის გამგე, 1990–2004 – პათოლ. ანატომიის, ფიზიოლ. და ფარმაკ. კათედრის გამგე, 2001–04 – მორფოლ. და ფიზიოლ. დეპარტამენტის უფროსი, 2006–17 – აგრ. უნ-ტის სავეტერინარო მედ. ფაკ-ტის დეკანი და ვეტ.-მეცხოველეობის მიმართულების ხელმძღვანელი. 2008-იდან აირჩიეს სამხრ. კავკ. ქვეყნების საერთაშ. სავეტერინარო განათლების ასოციაციის პრეზიდენტად. 2019-იდან სამცხე-ჯავახეთის სახელმწ. უნ-ტის სავეტერინარო მედ. ტექნოლოგიების, აგრ. და საბუნებისმეტყველო მეცნ. ფაკ-ტის დეკანია, 2020-იდან – საქართვ. გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის ტრენერი ვეტ. მიმართულებით. მუშაობს ცხოველთა პათოლოგიის, ონკოლოგიის, მორფოლოგიისა და ფარმაკოპროფილაქტიკის საკითხებზე, ეწევა სამეცნ.-პედ. მოღვაწეობას, ავტორია სამეცნ. ნაშრომებისა. მიღებული აქვს სახელმწ. ჯილდოები, მ. შ. ღირსების ორდენი (2002).    

თხზ.: ცხოველთა და ფრინველთა დაავადებების პათოლოგიური ანატომიის ატლასი, თბ., 2012 (თანაავტ. ზ. მაკარაძე); ზოონოზი კორონავირუსები, ახალციხე, 2020.