იოსებ ჟორდანია

იოსებ ჟორდანია (1895–1962), გინეკოლოგი, საქართველოს მეცნიერების დამსახურებული მოღვაწე (1962). დაიბადა საქართველოში, ქ. თბილისში. 1923 წელს დაამთავრა პეტროგრადის სამხედრო-სამედიცინო აკადემია. 1939 წლიდან განაგებდა სამხედრო-სამედიცინო აკადემიის მეანობა-გინეკოლოგიის კათედრას. 1944 წლი­დან იყო მოსკოვის ექიმთა და­ხელოვნების ინსტიტუტის მეანობა-გინეკოლოგიური კათედრის გამ­გე, 1950 წლიდან - მოსკოვისა და სსრკ-ის მთავარი გინეკოლოგი. 1951 წლიდან განაგებდა მოსკოვის მე-2 სამედიცინო ინსტიტუტის მეანობა-გინეკოლოგიის კათედრას. 1958 წელს ი. ჟორდანია გადმოვიდა თბილისში და სიცოცხლის ბოლომდე იყო დირექტორი მისივე თაოსნობით დაარსებული ქალის ფიზიოლოგიისა და პათოლოგიის სამეცნიერო-კვლევითი ინსტიტუტისა (1968 წლიდან - ი. ჟორდანიას სახ. ადამიანის გენერაციული ფუნქციის სამეცნიერო-კვლევითი ინსტიტუტი).

ი. ჟორდანია ტრაგიკულად დაიღუპა რიო-დე-ჟანეიროში ავიაკატასტროფის დროს, როდესაც თავისი საშველი ჟილეტი დაუთმო ამერიკელ გოგონას.

ი. ჟორდანია დაკრძალულია თბილისში.