მთაწმინდა

მთაწმინდა, მთა ახალგორის მუნიციპალიტეტში. მდებარეობს ხარულის ქედზე, მდ-ების ლეხურისა (მტკვრის მარცხ. შენაკადი) და ნახიდურის (ქსნის მარჯვ. შენაკადი) სათავეში და წარმოადგენს მათ წყალგამყოფს. სიმაღლე ზ. დ. 2279 მ. აგებულია ცარცული ასაკის თიხაფიქლების, ქვიშაქვებისა და კირქვებისაგან. მთის ქვედა ნაწილი შემოსილია ფართოფოთლოვანი და შერეული ტყით, ხოლო ზედა, თხემური ნაწილი - სუბალპური მდელოთი.