მთვარაძე სიმონ ვასილის ძე

მთვარაძე სიმონ ვასილის ძე (?? 1905, საგარეჯო, - 24. IV. 1968, თბილისი), დრამატურგი, მწერალი. სამწერლო ასპარეზზე გამოვიდა 1928. წლების განმავლობაში იყო ქართ. მოზარდ მაყურებელთა თეატრის სალიტ. ნაწილის გამგე. მისი ბევრი პიესა დაიდგა საქართვ. თითქმის ყველა თეატრში, ხოლო „შლეგი“ და „მთაგრეხილზე“ - რუსთაველის სახელმწ. აკად. თეატრის სცენაზე. მ-მ დ. ჭონქაძის მოთხრობა „სურამის ციხის“ მიხედვით დაწერა პიესა „სურამის ციხე“ (1954), რ-იც დაიდგა მოზარდ მაყურებლის თეატრში. ამ პიესას და დადგმას დიდი წარმატება ხვდა წილად. მკითხველის მოწონებით სარგებლობდა მისი თხზულებები: „ამბავი ივრის ხეობაში“, „ფალავანი“, „ლეკთა სარძლო“, „მძლეთა მძლე“, „ჩაშლილი ქორწილი“ (1952) და სხვ.    

მ. დაკრძალულია მწერალთა და საზ. მოღვაწეთა დიდუბის პანთეონში.               

ლიტ.: ბაბუნაშვილი ზ., ნოზაძე თ., მამულიშვილთა სავანე, თბ., 1994.

ი. აბაშიძე