კაკაბაძე გულიკო ივანეს ასული

კაკაბაძე გულსუნდა (გულიკო) ივანეს ასული (29. VIII. 1946, თბილისი, – 7. XII. 2022, იქვე), თეატრმცოდნე, ჟურნალისტი, საქართვ. დამს. ჟურნალისტი (2015). 1971 დაამთავრა შოთა რუსთაველის სახ. სახელმწ. თეატრ. ინ-ტის თეატრმცოდნეობის ფაკ-ტი. 1974-იდან მუშაობა დაიწყო საქართვ. სახელმწ. რადიოს ახალგაზრდული პროგრამების რედაქციაში შტატგარეშე კორესპონდენტად; 1976-82  იყო ახალგაზრდული პროგრამების მთ. რედ. რედაქტორი; 1982-92 წწ. – სატირულ-იუმორისტული პროგრამების ჯგუფის რედაქტორი;  1992-2000 წწ. – ლიტერატ.-დრამ. პროგრამების მთ. რედაქციის  პასუხისმგებელი მდივანი; 2000-05 – ლიტერატ.-დრამ. პროგრამების მთ. რედაქციის დრამ. პროგრამების ჯგუფის რედაქტორი; 2005-იდან გარდაცვალებამდე – დრამ. პროგრამების რედაქტორი, ავტორი და წამყვანი.

კ. იყო საქართვ. ჟურნალისტთა და  თეატრის მოღვაწეთა კავშირების წევრი.

დაჯილდოებულია  საქართვ. პრეზიდენტის ღირსების მედლითა (1998) და თეატრ. საზ-ბის პრეზიდიუმის  პრემიით „თეატრის ამაგდარი“  (2014).