,,გეორგიკა"

ენციკლოპედია "საქართველო" - ი. აბაშიძის სახელობის მთავარი სამეცნიერო რედაქცია გვერდიდან
Jump to navigation Jump to search

„გეორგიკა“ („Georgica“),თბილისისა და იენის (გერმანია) უნივერსიტეტების ერთობლივი ყოველწლიური გამოცემა.

1978–89 წლებში გამოდიოდა იენაში (დაიბეჭდა 12 ნაკვეთი), მე–13–14 გაერთიანებული ნაკვეთი დაიბეჭდა კონსტანცში (გერმანია). ამ ნომრიდან „გ.“ გამოდის როგორც ოთხი უნ-ტის (თბილისი, იენა, ზაარბრუკენი, კონსტანცი) ერთობლივი ორგანო.

რედაქტორები – ჰ. ფენრიხი (იენა), შ. ძიძიგური (თბილისი), მე-9 ნაკვეთიდან – მ. ლორთქიფანიძე (თბილისი).

„გ.“ ფართო პროფილის ქართველოლოგიური და კავკასიოლოგიური გამოცემაა, სადაც ქვეყნდება როგორც ქართველი, ისე უცხოელი ავტორების გამოკვლევები ენათმეცნ., ლიტერატურათმცოდნეობის, ფილოს., ისტ., არქეოლ., ეთნოგრ. და ხელოვნ. საკითხებზე. აქვს კრიტ. ბიბლიოგრაფიული განყ-ბაც.

2002–05 ჟურნალი გამოიცა ქ. აახენში.

2006-იდან გამოდის ბერლინში გერმანელი ქართველოლოგის შტეფი ხოტივარი-იუნგერის ხელმძღვანელობით.

გ. თოფურია.